Abdulla Zayed, “Masdar” (BƏƏ) şirkətinin Mərkəzi Asiya və Rusiya üzrə Biznes Strukturunun rəhbəri
“Masdar” şirkəti ilk dəfə olaraq Azərbaycan Energetika və Bərpa Olunan Enerji Sərgisində iştirak edir. Ümumilikdə, biz dünyanın 40-dan çox ölkəsində layihələrimizi davam etdiririk və bərpa olunan enerji mənbələri (RES) və dayanıqlı “yaşıl” hidrogen istehsalı üzrə ixtisaslaşmışıq.
Şirkət Azərbaycanda Abşeronun Ələt kəndindən 9 km şimal-qərbdə, 230 MVt gücündə 225 milyon dollar dəyərində günəş elektrik stansiyasının tikintisinə başlayır. Günəş elektrik stansiyası 18 ay ərzində tikiləcək və 110 min ailəni elektrik enerjisi ilə təmin edəcək, bu da Azərbaycana hər il 110 milyon kubmetr qaza qənaət etməyə və atmosferə 200 min ton karbon qazı emissiyasını azaltmağa imkan verəcək.
Biz Azərbaycanda fəaliyyətimizi genişləndirmək istəyirik və artıq Energetika Nazirliyi ilə işğaldan azad edilmiş ərazilərdə və dənizdə işləmək imkanlarını müzakirə edirik.
“Masdar” şirkəti ilə əməkdaşlıq istiqamətləri arasında Qarabağda evlərin damında günəş panellərinin quraşdırılması üçün həll yollarının axtarışı, Qarabağda təxminən 200 MVt gücündə günəş stansiyasının tikintisi perspektivləri var.
“Masdar” şirkətinin layihələri Azərbaycana Yaşıl İqlim Gündəliyinin bir hissəsi olaraq atmosferə daxil olan istixana qazlarının azaldılması üzrə beynəlxalq öhdəliklərini yerinə yetirməyə kömək edəcək.
Biz hesab edirik ki, Azərbaycanda bərpa olunan enerjinin inkişafı üçün böyük potensial var.
AZ
EN
RU
ZH
