MWM: SƏNAYE VƏ ENERJİ SEKTORU ÜÇÜN QAZ PORŞENLİ GENERATORLAR VƏ ENERJİ HƏLLƏRİ
2 i̇yun 2026
0000
İlir İliri, MWM (Avstriya)
MWM (Machine Works Mannheim) qaz porşenli generatorların və enerji avadanlıqlarının istehsalı ilə məşğuldur. Şirkət qaz mühərriklərinin hazırlanması sahəsində öncül müəssisələrdən biri hesab olunur. Onun tarixi 150 ildən artıq dövrü əhatə edir və Karl Bensin ilk qaz porşenli mühərrikini yaratdığı dövrdən başlayır. Həmin vaxtdan etibarən şirkət bu texnologiyanın inkişafını davam etdirərək müvafiq avadanlıqların istehsalını həyata keçirir. MWM-in əsas fəaliyyət istiqaməti qaz porşenli generator qurğularının və onların əsasında elektrik enerjisinin istehsalı üçün kompleks həllərin hazırlanmasıdır.
Sərgi bizdə son dərəcə müsbət təəssürat yaradıb. Tədbir yüksək səviyyədə təşkil olunub və işgüzar fəaliyyət üçün rahat mühit formalaşdırılıb. Şirkətimiz artıq bir neçə ildir ki, bu sərgidə iştirak edir və əminliklə deyə bilərəm ki, bu il potensial müştərilərin sayı ötən illə müqayisədə daha çoxdur. Bu isə bizim üçün olduqca sevindirici və ümidverici göstəricidir.
Hələlik konkret müqavilələr imzalanmasa da, danışıqlar prosesi kifayət qədər fəal şəkildə davam edir. Biz yeni tərəfdaşlar və müştərilər qazanmaq istiqamətində fəaliyyətimizi davam etdiririk. Əsas maraq dairəmiz Azərbaycanda fəaliyyət göstərən yerli şirkətlərlə əməkdaşlığın qurulmasıdır. Potensial tərəfdaşlar sırasında SOCAR, Azersun və enerji istehsalı, istilik təchizatı, eləcə də soyutma sistemləri sahəsində həllərə ehtiyac duyan digər müəssisələr yer alır.
AZ
EN
RU
ZH
