Bakı Enerji Həftəsi dünya enerji liderlərini bir araya gətirdi
4 i̇yun 2025
0000
4 iyun tarixində Bakı Ekspo Mərkəzində regionun ən mühüm tədbirlərindən biri olan Bakı Enerji Həftəsinin yekunlaşdı. Bu tədbir, üç önəmli tədbiri bir araya gətirdi: 30-cu Yubiley Beynəlxalq "Xəzər Neft və Qaz" sərgisi, 13-cü Xəzər Beynəlxalq "Energetika və Yaşıl Enerji" sərgisi və 30-cu Yubiley Bakı Enerji Forumu.
"Bakı Enerji Həftəsi" regionun enerji sahəsində ən mühüm tədbirlərindən biri olaraq, hər il dünya enerji liderlərini bir araya gətirir. Tədbir, Azərbaycan Prezidenti İlham Əliyevin himayəsi altında keçirilir. Dövlət başçısı hər il ənənəvi olaraq sərgi mərkəzini ziyarət edərək Enerji Həftəsinə qatılır.
Yubiley tədbirinin açılış mərasimində çıxış edən Prezident İlham Əliyev "Xəzər Neft və Qaz" beynəlxalq sərgisi ilə Bakı Enerji Forumunun əhəmiyyətini vurğuladı. O, bu tədbirlərin Azərbaycanının müasir enerji strategiyası ilə sıx əlaqəsini və ölkənin qlobal enerji əməkdaşlığındakı dinamik rolunu qeyd etdi.
Dövlət başçısı Azərbaycanın təbii qaz ixracının getdikcə artdığını bildirərək, hazırda 12 ölkəyə çatdığını vurğuladı. O, ölkəmizin boru kəmərləri ilə qaz nəqli sahəsində dünya üzrə aparıcı ölkələrdən biri olduğunu qeyd etdi.
Sərgi bir daha yaşıl enerji sahəsində bir neçə yüz meqavatlıq müqavilələrin imzalanmasına şərait yaratdı. Neft və qaz ehtiyatları ilə zəngin olan ölkəmiz, xarici investorlarla birgə yaşıl enerji sahəsinə də investisiya qoyur ki, öz məsuliyyətini nümayiş etdirir. Azərbaycanın bir sıra ölkələrin enerji təhlükəsizliyinə yönəlik yatırımları, şübhəsiz ki, ölkəmizin geosiyasi əhəmiyyətini daha da artırır. COP29-da İnkişaf Etməkdə olan Kiçik Ada Dövlətləri (SIDS) üçün xüsusi maliyyə paketi təqdim olundu və Azərbaycan bu ölkələrə dəstəyini davam etdirir.
Bakı Enerji Həftəsi çərçivəsində uzunmüddətli əməkdaşlığın möhkəmləndirilməsi məqsədilə bir sıra memorandumlar imzalanıb. Bu addımlar, tərəfdaş ölkələr və şirkətlərlə birgə əməkdaşlıq formatında atılaraq ölkənin enerji təhlükəsizliyinin təmin olunmasında və yaşıl enerji keçidinə kömək edir. İmzalanan sənədlər arasında Azərbaycan Respublikasının Energetika Nazirliyi ilə "Universal Solar Azerbaijan" MMC arasında "Torpaq icarəsi müqaviləsi", Azərbaycan Respublikasının Energetika Nazirliyi ilə "China Energy Engineering Corporation Limited" arasında enerji sektorunda "Strateji əməkdaşlıq haqqında kompleks müqavilə", "Maire Tecnimont S.p.A." şirkəti ilə Enerji keçidi sahəsində əməkdaşlıq haqqında memorandumun 10.1-ci maddəsinə dəyişikliklər barədə Protokol, "Azərenerji" ASC ilə "Enerso Cəbrayıl" MMC arasında "Ufuk" Günəş Elektrik Stansiyası layihəsi üzrə "Elektrik enerjisinin satışı müqaviləsi" və "Yüksək gərginlikli ötürücü şəbəkəyə qoşulma müqaviləsi", "Azərenerji" ASC ilə "Norm" ASC və "Enerso Cəbrayıl" MMC arasında "Ufuk" və "Şams" Günəş Elektrik Stansiyaları layihələrində balanslaşdırma müqaviləsi, "Azərenerji" ASC ilə "Clean Energy Jabrayil" MMC arasında "Şams" Günəş Elektrik Stansiyası layihəsi üzrə "Elektrik enerjisinin satışı müqaviləsi" və "Yüksək gərginlikli ötürücü şəbəkəyə qoşulma müqaviləsi" və "Azərenerji" ASC ilə "Universal Solar Azerbaijan" arasında "Gobustan" Günəş Elektrik Stansiyası layihəsi üzrə "Elektrik enerjisinin satışı müqaviləsi" və "Yüksək gərginlikli ötürücü şəbəkəyə qoşulma müqaviləsi" yer alır.
30-cu Yubiley "Xəzər Neft və Qaz" Beynəlxalq Sərgisi, neft-qaz yataqlarının işlənməsi, nəqliyyat və istehsal, telekommunikasiya və İT, neft və qazın emalı, tikinti və montaj işləri, innovativ texnologiyalar və digər sahələri əhatə edən geniş bir spektri nümayiş etdirdi. Sərgidə süni intellekt, dekarbonizasiya, qazma texnologiyaları, həmçinin neft məhsullarının və qazla əlaqəsi olmayan məhsulların istehsalı və saxlanması sahələrində ən son texnoloji nailiyyətlər nümayiş olundu.
Sərgidə əsas pavilyonlardan birini Azərbaycan Dövlət Neft Şirkəti – SOCAR yer aldı. Qlobal enerji şirkəti olan SOCAR, milli resursların beynəlxalq bazarlara ixracında strateji rol oynayır. Eyni zamanda, SOCAR, iqlim dəyişikliyi ilə mübarizəyə aktiv şəkildə qatılır və ekoloji təmiz, aşağı karbonlu və qabaqcıl texnologiyaları prioritet olaraq qəbul edir.
Sərgidə keçirilən VIP turunda sənayenin ən böyük liderləri olan BP Azerbaijan, Türkiye Petrolleri Anonim Ortaklığı (TPAO), İtalyan Maire şirkəti, Budapeştdə yerləşən MOL Group, Almaniya Federal Respublikasının Milli Pavilyonu, Rusiya "Tatneft", Çinin "Sinopec SJ Petroleum Machinery Co.", Özbəkistanın "Uzbekneftegaz", Birləşmiş Ərəb Əmirliklərinin Masdar şirkəti, ABŞ-ın Schlumberger (SLB), Səudiyyə Ərəbistanının ACWA Power şirkəti və Fransanın TotalEnergies şirkətinin stendləri nümayiş etdirildi. Sərginin təxminən 40%-i sənayenin aparıcı şirkətləridir.
SOCAR, "Bakı Enerji Həftəsi"nin ümumi tərəfdaşıdır. Tədbirin iştirakçıları, tərəfdaşları və sponsorları arasında ABB, ACWA Power, Azfen, AZEL Systems LLC, Baku Steel Company, bp, CIM, Gap İnşaat, HMS Group, HUAWEI, Inpex, INTI, iMotors, Kolin İnşaat, Masdar, MOL Group, MVM, NewMed Energy, Saipem, Pasha Bank, SLB, Türkiye Petrolleri AO, TotalEnergies, Tekfen İnşaat ve Tesisat, Ural Steel və XRG kimi nüfuzlu şirkətlər yer aldı.
"Bakı Enerji Həftəsi" çərçivəsində "Ümid var" inklüziv cəmiyyətinin uşaqları öz rəsm əsərlərini nümayiş etdirdi. Bu əsərlər axşam qəbulunu bəzədi və təqdim olunan əsərlərin xeyriyyə hərracı keçirildi.
"Bakı Enerji Həftəsi" tədbirləri Azərbaycan Respublikası Energetika Nazirliyinin dəstəyi ilə keçirilmişdir. Tədbirin təşkilatçıları "Iteca Caspian" şirkəti və onların beynəlxalq tərəfdaşları olan "ICA Events" və "CEM FZ LLC" şirkətləridir.
AZ
EN
RU
